Saturday, May 10, 2008

Shkrimtaruceët me flamur - nga Kol Shkodrani

SHKRIMTARUCËT ME FLAMUR
-Çdo ngjashmëri me persona realë nuk është e rastit. 

Nga Kol Shkodrani 

Shkrimtarucëve me flamur
frymëzimi su shuhet kurrë
president kanë Nastradinin
në New York e mban fjalimin
por në Detroit i del tymi
kundërshtarë ka në Boston
po ata i përjashton
për të forcuar unitetin
në kryesi vendos të vetin
një të gjatë, Kalosh Ibretin
sekretar Trashuk Lezetin
kallamarin nga bregdeti

dhe një shoqe si karroqe
që vërtitet nëpër qoshe.
Pash at' qiell e pash atë dhè,

koken time ju bëj be
be shqiptari historik
që Malesise i rri besnik
a thue ju vërtetë mendoni
se shoqata e shkrim(a)tarëve
shashka Shqipo-Amerikane
është e gjallë e është në jetë
thua t' jetë e vërtetë
si në legjend e si në përrallë
i vdekuri të bëhet gjallë?
Kush e di, është ngrit nga varri
Konstandini i Teksasit
sepse kockat nuk i treten
po se mbajti amanetin
do ta sjellë kumbareshën
kryepoeten nga New Yorku
në Stamford të Conekticatit
sa dhe plaka Nic e shkreta
shqyer dënglash në halle të veta
rri sheh zogjtë që fluturojnë
lemerisur tek këndojnë
me një ze krejt të mekur
si këtu e dhjetë shekuj 

"Keni parë a s'keni parë
"Shkon i vdekuri me të gjallë
dhe të gjallët vinë vërdallë
si Rosinantë gërdallë!"
e pastaj kur hynë në derë
plasën si dy poçe verë
me kryetar e me antarë
dhe me presidentin me pallë,
këta i thonë vetes shkrimtarë
dhe poetë me yll në ballë
që atdheun bëjnë krenar
famë e madhe, pallë, o pallë...
31 maj, është ditë e shtunë
them të shkoj edhe unë

ta shoh këtë ngjarje të rallë
rrasa e vorrit kthye në kalë
shkrimtarucët me flamur
qyqe që këndojnë mbi gur.
Kol Shkodrani dora vetë
shkrimtarucëve
mbështjelle në gazetë
ju sjell një simit të nxehtë
që frymëzimi lart tu shkojë
fjala nxehtë tu bubullojë
e birbili tu këndojë.
Tu këndoj për shtat palë qejfe
shkrimtari me plot lezete
ç'bukuri që mban mbi vete
shkrimtarucët me ulfete
jep e merr e peqe e lepe
që tu ngrihet lart frymëzimi
la me la tu ngjitet tymi.

Sunday, May 4, 2008

Kumbaresha "poetike"

POETLESHJA 
NGA NEW YORKU

Je e "marrë" moj kumbare
se dy kunguj në dorë ke marrë
ja heq farat nji nga nji
e i rras brenda raki
ndoca raki Skrapari
që ta pijë plaku dhe djali
që ta pijë edhe krushqia.
Kofshët, qafa edhe brinja
dashit të pjekur të mos i mbesë
kur tërë SHASHK-en e shkrimtarëve
kryekrushku do ta thërresë
tym do dalë ndër palikarë
ndër poetët katundarë
ca kokëqypa rapsodikë
që sa shkelen në Amerikë
i thanë vetes jam shkrimtar
jam poet e jam kryetar
por kur ishin në Shqipëri
të bëj bè moj perri
nuk i pirdhte asnjeri.
...Zonjë me fal se kjo fjalë
një poeti s'i ka hije
po ç'ti bëjmë kur hamë fasule
në ditë kreshme perendie
jemi njerëz mëkatarë
betejat i bëjmë me fjalë
a dëgjove, moj kumbarë
që m' ke rënë në ca mendime
sikur unë të sjell mundime
t'i kam zhveshur shpatullat fare
e të kam vënë një shkemb përralle
po pse kështu, moj hallemadhe?

Një kumbare është kumuri
urtë e butë plot mirësi
kur zeëmbel flet e shkreta
tek melcon hallet e veta
por kur femra bën si mashkull
e lëshon zërin vetetimë
si një proletare vakti
në tribuna suferinë
herë zedhënse e sekretare
dhe poete dhe shkrimtare
nder forume uturon
si Raze Syla në kamion
ka diçka që me ty s'shkon.

Ndaj moj mike për karrike
do të them një fjalë sekreti
mos dëgjo çfarë thonë krushkat
strukur diku matanë detit
se s'ke qënë e s'je poete
paçka vjersha rri e shkruan
se poeti - i verteti
për një varg e për një fjalë
natë e ditë mendon e vuan
natë e ditë me to jeton
si marrok brigjeve të detit
guacka fjalësh tek kerkon
e, kush e di a e gjen vallë
poezinë- margaritar...

Ndaj moj mikja poetike
mos u merr me pula e zogj
as me sorra e laraska
që të kryqezokan me çapoj
por dhe vetë permbahu ca
sepse mua s'më ke hasëm
nuk kam qënë kurrë gjeneral
dhe ti plaka Nice nuk je
t'mi përplasësh kockat në dasëm.
Tung për sot- neser këtu më ke!

© Kol Shkodrani

kokteil poetik